Скопје(26.02.2015)
Единаесет години по трагичната несреќа во која го загуби својот живот, Претседателот Борис Трајковски сеуште претставува инспирација – личност на која со гордост се сеќаваме и чие дело го славиме. Во негова чест, пред најголемиот спортски комплекс во државата кој воедно го носи неговото име, беше поставено спомен цвеќе во чест на неговиот живот и дело.
Пред споменикот на Претседателот Трајковски на платото пред СЦ Борис Трајковски, покрај Директорот Златко Перински, почит оддадоа и Претседателот на Советот на Општина Карпош, г-дин Сашо Лазаревски, Директорот на Агенција за млади и спорт, г-дин Марјан Спасески, претставници на РК Металург, претставници на Спортското радио, претставник на Фондацијата „Борис Трајковски”, како и Претседателот на Сојуз на спортови на Македонија, г-дин Борче Боев.
Како што нагласи и Директорот на СЦ Борис Трајковски, г-дин Златко Перински, 26-ти февруари е ден исполнет со тага, но и гордост. Тага, бидејќи Република Македонија, пред 11 години, загуби човек со врвни професионални и морални вредности. Но и гордост, бидејќи неговото имеживее и претставува симбол за институција која на Македонија и македонскиот народ донесе многу радост, и ќе продолжи да биде место на големи спортски победи на македонски спортисти, тимови и репрезентации.
